ՀՀ էկոնոմիկայի նախարարի տեղակալ Տիգրան Գասպարյանը մասնակցել է Freedom Broker Armenia-ի կողմից կազմակերպված «Հնարավորությունների ժամանակը․ Հայաստանը՝ համաշխարհային շուկաների նոր ճարտարապետության մեջ» Հայաստանի ներդրումային և ֆինանսական երկրորդ համաժողովին։

Միջոցառման շրջանակում նախարարի տեղակալը որպես բանախոս հանդես է եկել «Հայաստանը համաշխարհային տնտեսության մեջ՝ կապիտալի շուկաների պրիզմայով» լիագումար նիստին։

Քննարկվել են համաշխարհային կապիտալի հոսքերի փոփոխության պայմաններում Հայաստանի դիրքավորմանն առնչվող հարցեր, ինչպես նաև ներդրումների ներգրավման նոր հնարավորությունները և միջազգային ֆինանսական համագործակցության ընդլայնման հեռանկարները։ 

Անդրադարձ է կատարվել նաև կապիտալի շուկաների դերին՝ երկրի կայուն և դիվերսիֆիկացված տնտեսական աճի ապահովման գործում։